Ministrja e Shtetit për Marrëdhëniet me Parlamentin, Elisa Spiropali ka kërkuar miratimin e projektligjeve në rendin e ditës pa debat.
Në përgjigje të reagimit të deputetëve demokratë të cilët bllokuan foltoren e Kuvendit, Spiropali tha: “Të vini këtu dhe të bllokoni foltoren, të fyeni. Unë mund t’ju tregoj vetëm rregulloren dhe mund t’jua them këtë kryetares. Që me të parën tërhiqet vëmendja, tërhiqet edhe njëherë meqë këta janë mësuar të sillen kështu dhe më pas nxirren jashtë kësaj salle për prishje të rendit. Ose ndryshe kalojmë në votim, e mbyllim këtë seancë derisa këta të mësojnë të sillen edhe të vijnë në seancë”.
Min 11:50 e videos
Mazhoranca e ka përdorur për disa javë radhazi këtë praktikë të pazakontë, teksa opozita protestonte brenda Kuvendit, duke kërkuar ato që i cënonte “të drejta të mohuara”.
Gjatë asaj kohe, socialistët ngrinin kartonët për të miratuar ligjet e propozuara prej tyre dhe rrëzuar ato të opozitës, duke shmangur debatin në Kuvend.
Discussion about this post