Partia Demokratike ka publikuar spotin zyrtar për protestën e 3 marsit, që është një inskenim artistik i thirrjes së “Nënës Shqipëri” për bijtë e saj.
Aktorja Rajmonda Bulku interpreton ‘rolin kryesor’ në këtë spot duke risjellë jehonën e “Nënës Shqipëri”, që në raste nevojash historike u bën thirrje bijve e bijave të saj t’i dalin zot vetes dhe vendit.
E frymëzuar nga ligjërimet kombëtare të tipit ‘mbahu nëno mos kij frikë!’, thirrja e spotit të PD vjen në krahun e kundërt: është “Nëna Shqipëri” që u kërkon bijve të vet të ngrihen kundër frikës dhe pushtetit abuziv.
Slogani kryesor i Partisë Demokratike është “Shqipërisë t’i dalim zot’ dhe spoti i 3 marsit ndjek të njëjtën linjë duke folur për shpopullimin, varfërinë dhe qeverisjen e papërgjegjshme.
Edhe kreu demokrat Sali Berisha ka theksuar krahas publikimit të spotit se “shqiponjat fluturojnë lartë, por kthehen gjithmonë në fole”
Protesta e 3 marsit do të zhvillohet në ora 12.00 para kryeministrisë.
Discussion about this post