Rrjeti i amortizuar elektri i qarkut të Kukësit nuk e ka përballuar dot stuhinë e dëborës. Për pasojë, 80% e zonave të banuara të kësaj bashkie, përveçse janë nën dëborë, kanë mbetur pa energji elektrike që nga nata e së premtes.
Prefektura e Kukësit njoftoi se i gjithë territori i qarkut Kukës, gjatë gjithë natës dhe deri tani dhe vazhdon të jetë i përfshirë nga reshje bore me lartësi e borës deri në 15-30 cm.
Furnizohen me energji elektrike qyteti Krumës dhe i Bajram Currit. Pjesërisht furnizohet qyteti i Kukësit dhe njesia administrative e Zapodit, kurse e gjithë pjesa tjetër e qarkut nuk ka për momentin me energji elektrike.
Furnizimi me ujë të pijshëm është normal.
Rrugët nacionale janë të qarkullueshme normalisht me goma dimërore. Nga subjektet kontraktore ka vazhduar puna gjatë gjithë kohës për pastrimin, kriposjen dhe mbajtjen funksionale të tyre.
Nga bashkitë Kukës, Tropojë dhe Has nuk ka raportime për ndonjë problematikë.
Discussion about this post