Opozita e drejtuar nga Sali Berisha prej më shumë se dy javësh proteston në Kuvend, ndërsa mazhoranca i mohon asaj kërkesat për ngritjen e komisioneve hetimore.
Tensionet në Parlament duket se rriten nga seanca në seancë, kjo për faktin se socialistët e Edi Ramës po tentojnë të kalojnë situatën e krijuar si krejt normale, ndërsa kanë shtuar numrin e gardistëve në mjediset e Kuvendit. Në këtë kuadër, gardistët po përdoren si mure mbrojtëse, madje në jo pak raste kanë krijuar edhe përplasje me deputetët.
Sot opozita në shenjë proteste përdori flakadanë, njëri prej të cilëve iu mor nga dora deputetit nga një gardist.
Skenat e sotme po trajtohen nga mbështetës të Qeverisë si unikale, megjithëse jo vetëm në Parlamentin e Shqipërisë, por edhe në shumë parlamente të Botës regjistrohen përplasje të dhunshme, madje edhe sherre masive.
Por nëse mbetemi në Kuvendin e Shqipërisë dhe të kthehemi pas në kohë, do gjejmë plot raste kur opozitat kanë protestuar. Nga bilbilat te vuvuzelat, te përplasjet e kërcënimet.
Madje do të gjeni edhe deputetë të PS-së që sot shesin moral, por në atë sallë që sot ndjehen të prekur kur iu merren karriget kanë përdorur fjalore rruge.
Video e mëposhtme e publikuar nga deputeti Petrit Vasili tregon një moment kur ish-deputeti Tom Doshi kërcënonte ish-deputetinm Gent Strazimiri, ndërsa Erion Braçe shante me shprehje që do i kishte zili edhe çdo rrugaç…
Discussion about this post