Trajneri i Deportivo Alavesit, Luis Garcia Plaza nuk e ka pritur aspak mirë golin e pësuar në fund gjatë përballjes së djeshmë nga Real Madrid.
Alaves dukej se ishte mirë dhe në rrugën e duhur për të marrë një pikë të shkëlqyer në shtëpi ndaj Realit.
Megjithatë, pavarësisht se skuadra e Carlo Ancelottit ishte me 10 lojtarë pasi Nacho Fernandez mori karton të kuq gjatë pjesës së dytë, ata arritën ta fitojnë ndeshjen 1-0 pasi Lucas Vazquez shënoi në kohën shtesë.
Për menaxherin e Alaves, Luis Garcia Plaza, goli i vonshëm i Vazquez ishte e tepërt.
Pas pranimit të golit, ai kaloi në një dimension ‘çmendurie’ duke ‘shkatërruar’ gjithçka çfarë i dilte përpara.
Plaza rrëzoi një ftohës akulli, përpara se të kapte një nga stafi i tij dhe ta shkundte mirë.
Ai nuk kishte mbaruar ende, pasi hodhi pallton dhe kapelën përpara se të kthehej në vendin e tij, ku filloi me tërbim të shkelmonte këmbët.
Yo con el enfado de Luis García Plaza tras el gol de Lucas Vázquez no voy a poder. Como engancha y zarandea a uno y este acepta su destino
— 🅿 (@finallyxpablo) December 21, 2023
Discussion about this post