Si kurrë më parë në vitet e fundit, atmosfera rreth Kombëtares është fantastike, të gjithë janë në sinkron, të gjithë janë të lumtur për këtë moment magjik që po kalojmë. Jo vetëm në fushë edhe në shkallet e stadium, atmosfera është fantastike edhe në dhomat e zhveshjes.
Pas sukseseve me Poloninë dhe Çekinë, tanimë kuqezinjtë vijojnë një formë fantastike, duke mos njohur humbje prej gjashtë ndeshjeve. Golat e Laçit dhe Muçit i dhanë suksesin e radhës Sylvinhos në stolin kuqezi gjatë përballjes miqësore me Bullgarinë , duke dërguar në gjashtë numrin e ndeshjeve pa humbje.
Atmosfera ka qenë pozitive edhe në dhomat e zhveshjes, me lojtarët dhe stafin që duken se janë në harmoni të plotë.
Nuk mund të mungonte në këtë festë as presidenti Duka me pjesën tjetër të stafit drejtues të FSHF-së. “Kjo ishte një mbyllje perfekte e këtij muaji të bukur”, u shpreh Duka në rrjetet e tij sociale duke shtuar:
“Bravo çunave, stafit teknik. Pas festës nuk duhet humbur kohë dhe duhet të nisim përgatitjet për finalet e nëntorit, që janë shumë të rëndësishme. Urime!, u shpreh Duka ndër të tjera.
Discussion about this post