Tre orë para fillimit të ndeshjes, tifozët kanë filluar festën me ovacione në zonat ku janë akomoduar. Në Fan Zonën e ngritur tek amfiteatri i Liqenit të Tiranës, tifozët e Romës nën shoqërinë e birrës, këndojnë dhe kërcejnë për ekipin e zemrës.
Rrugët që të çojnë tek “Air Albania” janë të gjitha të bllokuara. Do të jenë fillimisht forcat e policisë që do të bëjnë kontrollin paraprak të tifozëve
Ndërkohë nga ana tjetër pranë stadiumit të “Air Albania” janë afruar tifozët e Feynoord dhe Romës. Për të pasur situatën në kontroll, është parë e arsyeshmë të nisë që tani futja e tifozëve në stadium. Të parët janë ata holandezë.
Sakaq, më pas steëard e pozicionuar në hyrjet e stadiumit do të bëjnë kontrollin e imtësishëm të tifozëve të dy skuadrave. Tifozët duhet të jenë të pajisur me biletën, ndërsa do të kontrollohen që të mos marrin me vete sende të forta si dhe monedha.
Discussion about this post