Pas trazirave në veri të Kosovës dhe bllokimit të rrugëve nga serbët, forca të shumta të policisë së Kosovës kanë ndërhyrë në Mitrovicë. Gazeta Express publikon disa video sesi policia niset nga Vushtria drejt Mitrovicës. (Shiko këtu)
Pas përshkallëzimit të situatës në veri, policia e Kosovës ka marrë masat e para duke mbyllur pikat kufitare në Jarinje dhe Bernjak.
KFOR-i ka dalë në terren për të vëzhguar situatën ndërsa në komunat në veri është ndezur një alarm që bën thirrje për mbledhje të qytetarëve.
Kujtojmë që pak momente më parë reagoi dhe kryeministri i Kosovës, Albin Kurti i cili bëri përgjegjës kryesor për trazirat presidentin e Serbisë, Aleksandar Vuçiç ndërsa shprehej se ka patur dhe të shtëna me armë.
Në një apel për qytetarët e Kosovës, Kurti tha se nuk duhej të ndikoheshin nga media të Beogradit, të cilat sipas tij kanë si qëllim kryesor dezinformimin.
Discussion about this post