Grupi i hakerave Homeland Justice trondit sërish skenën politike të vendit. Ky grup, tashmë i njohur për nxjerrjen e informacioneve të shtetit shqiptar, ka publikuar së fundmi edhe disa video.
Justice Homeland ka publikuar video të SHISH. Kjo ndodh vetëm disa ditë, pasi dolën në dritë emrat e agjentëve të Shërbimit Informativ Shtetëror.
“Kujdes SHISH! Do publikojmë një bombë. Në vend që të shpërdoroni taksat e popullit tonë për terroristët antinjerëzor të Durrësit, shpenzoni paratë për popullin e kultivuar të Shqipërisë,”-shkruhet krahas videos.
Po ashtu, kanë nxjerrë dhe një video të xhiruar me kamera trupi, të dikujt që iu afrohet dy personave, ende të paidentifikuar se kush janë.
“Përshëndetje jemi njësia hetimore e Policisë së Shtetit. Unë jam drejtori,“-thotë në video një prej tyre, ndërsa tjetri filmon me kameran e trupit. Nga të marrurit në pyetje, njëri u përgjigjet në shqip, ndërsa tjetri kërkon më shumë detaje në gjuhën angleze pasi pretendon se nuk di të flasë në shqip. Se kush janë personazhet në fjalë, ende nuk dihet.
Discussion about this post