Pamjet tronditëse tregojnë një polic të Michiganit duke goditur me grusht një adoleshent në fytyrë në një burg periferik të Detroitit – më pas e kap për flokësh dhe e përplas në dysheme.
Policia e Uarrenit publikoi pamjet e kamerës ndërsa njoftoi se oficeri Mattheu Rodriguez, 48 vjeç, ishte pezulluar prej punës dhe po akuzohet për sulm të qëllimshëm.
Pamjet tregojnë Rodriguezin duke përpunuar të dhënat e një të dyshuari 19-vjeçar për grabitje të makinave, i cili ishte arrestuar edhe në të kaluarën.
Oficeri qëndron dhe shkon drejt një printeri në zyrën e tij, ai duket se shkëmben fjalë me të dyshuarin, megjithëse video nuk ka audio.
Më pas, polici shumë më i madh në trup, e godet në fytyrë të dyshuarin dhe e përplas për muri, raporton nypost.
Rodriguez nuk u ndal me kaq. Ai e kap adoleshentin dhe e përplas për toke ndërsa në fund e tërheq zvarrë për flokësh dhe e dërgon në një qeli.
Rodriguez u akuzua për neglizhencë të qëllimshme të detyrës dhe sulm. Ai u lirua pasi pagoi një garanci prej 5 000 dollarësh dhe gjykimi ndaj tij do të vazhdojë në ditët në vijim.
Discussion about this post