Një video me pamje të rënda është duke qarkulluar në Greqi, ku shihet se një 50-vjeçar rreh prindërit e tij të moshuar. Mediat greke raportojnë se ngjarja ka ndodhur për konflikte ekonomiek të hershme mes çiftit dhe djalit të tyre.
“Kjo situatë ka rreth 10 vite . Djali dhe nusja shkojnë në banesën e babait të tyre dhe me qëllime të ndryshme duke i kërcënuar fillojnë t’i rrahin, thyejnë dhe shkatërrojnë shtëpinë duke kërkuar para. Dje edhe nusja ka ardhur e vetme, i ka rrahur, i ka goditur aq sa kanë shkuar në spital”, ka treguar një i afërm i të moshuarve duke folur për Mega.
Videoja është realizuar nga bashkëshortja e 50-vjeçarit. Një grua nga Ukraina që akuzon çiftin e të moshuarve se nuk e kanë ndihmuar financiarisht familjen.
“Ulu dhe mos fol! Po të mos isha këtu, do ta kishe ngrënë që në mëngjes”, dëgjohet duke i thënë 50-vjeçari nënës së tij.
Familjarët tregojnë se kjo ka ndodhur 10 vitet e fundit, por shteti nuk ka bërë asgjë për të ndihmuar dy të moshuarit. Madje, ata theksojnë se kanë ngritur padi, ndërkohë që kanë shkuar tre herë në Prokurori.
VIDEO E DHUNES SE DJALIT NDAJ PRINDERVE
Discussion about this post