Erion Veliaj ka shkelur rregulloret e miratuara nga vetë mazhoranca socialiste, ndërsa ka zgjedhur që betimin si Kryebashkiak t’a bëjë jashtë sallës së Këshillit Bashkiak.
Në sallën ku zhvillohet mbledhja e Këshillit, Veliaj nuk është paraqitur, dhe bashkë me të as anëtarët socialistë të këshillit.
Veliaj, sipas këshilltarëve opozitarë, ka zgjedhur ta bëjë betimin në tarracën e Bashkisë.
Kjo është hera e parë që një kryebashkiak zgjedh të betohet jashtë sallës së mbledhjes së Këshillit Bashkiak.
Kujtojmë se qoftë në mandatin e parë ashtu edhe në të dytin, Veliaj ka kryer betimin në sallën e Këshillit Bashkiak, ndërsa në nisje të mandatit të tretë, ai ka zgjedhur tarracën e institucionit që drejton.
Duket se në vijim të detyrës së Kryebashkiak, Veliaj do të vijojë me të njëjtin stil, atë të shpërfilljes së Këshillit Bashkiak, pavarësisht se tashmë ka përballë edhe opozitën në këshill.
Ndërkohë, Ilir Alimehmeti, kryetar i grupit të këshilltarëve të opozitës, e konsideron rast të paprecedentë mënyrën e zgjedhur nga Veliaj për tu betuar.
“Kryetari i zgjedhur i Bashkisë refuzon të betohet siç e parashikon ligji dhe rregullorja në fuqi. Njoftimi i nisur nga vetë Bashkia Tiranë, pika 6 e rendit të ditës për mbledhjen e parë, flet qartë ku duhet të betohet Kryetari i Bashkisē.
❗ Neni 18, mbi mandatin e kryetarit, thotë se:
? Pika 1: Shpallja e vlefshmërisë dhe betimi i Kryetarit bëhet në mbledhjen e parë të Këshillit Bashkiak.
? Pika 3: Ushtrimi i mandatit të Kryetarit fillon në çastin kur bën betimin përpara Këshillit Bashkiak”, shprehet Alimehmeti.
Discussion about this post