Shpërthimi i tritolit në makinën e efektivit të policisë në Durrës ka tronditur banorët e qytetit bregdetare në orët ë para të mëngjesit të së premtes. Gijotina.com ka siguruar pamjet ekzkluzive të momentit kur autori vendos lëndën plasës së automjetin e efektivit të policisë Lulëzim Kastrati. Siç shihet qartë, autori është ulur përballë makinës së efektivit dhe ka vendosur sasinë e tritolit në pjesën e parë të makinës poshtë gomave. Mbeten të paqarta arsyet e këtij sulmi ndaj efektivit Kastrati, ndërsa ngjarja mund të kishte përmasa tragjike.
Tritoli në Durrës, zbardhet identiteti i efektivit të policisë
Lulëzim Kastrati është efektivi i policisë që iu bë atentat me tritol në makinë mëngjesin e sotëm në Durrës. Ngjarja ndodhi rreth orës 06:25, në lagjen nr.17+, ndërsa nga shpërthimi ka pasur vetëm dëme materiale.
Burime për Gijotina.com shprehen se policia ka shoqëruar disa persona që mund të kenë dijeni për ngjarjen. Policia po survejon kamerat pranë zonës ku ndodhi atentati për të zbuluar identitetin e autorëve.
Uniformat blu po krehin zonën ku nuk mungojnë patrullat në çdo hyrje apo dalje të lagjes.
Durrës, hidhet në erë makina e efektivit të policisë
Një shpërthim me tritol ka tronditur mëngjesin e sotëm qytetin e Durrësit. Ngjarja ndodhi rreth orës 06:25, në lagjen nr.17. Nga hetimet e deritanishme ka dyshime se është vendosur dhe ka shpërthyer një sasi e vogël lëndë plasëse në mjetin e parkuar para banesës, në pronësi të shtetasit L. K.,(punonjës policie), nga e cila ka vetëm dëme të vogla materiale.
Shërbimet e Policisë kanë shoqëruar disa persona që dyshohen që mund të kenë dijeni për rrethanat e ngjarjes.
Grupi hetimor ndodhet në vendngjarje dhe po punon për zbardhjen e rrethanave të ngjarjes, identifikimin dhe kapjen e autorëve
