Arturo Vidal i ka habitur të gjithë me makinën e fundit që i ka shtuar koleksionit të tij. Lojtari i Inter ka blerë një Fiat Panda dhe atë e ka publikuar duke e nxjerrë në ‘Instagramin’ e tij.
Në përshkrimin që i ka vënë postit, mesfushori kilian shkruan: “Dhurata më në fund ka ardhur. Ëndrrat janë bërë realitet! Kam vite që pres ta marr”.
Ndërsa ajo makinë bën kontrast mes të tjerave luksoze të lojtarit, përfshirë edhe Ferrari. Amdje ai ka habitur duke nxjerrë edhe video brenda saj së bashku me të dashurën Sonia Isaza.
Kiliani ka në koleksionin e tij një Ferrari 488 Spider të kuq në garazhin e tij që mund të arrijë një shpejtësi prej 330 km/orë, një Brabus Amg G700 të zi që mund të shkojë deri në 240 km/orë dhe një Volvo XC.
Këtë sezon ai ka zhvilluar gjashtë takime me Inter, në të cilat shënoi dy herë dhe dha dy asistime./K.T/Gijotina.com
