(VIDEO) Vllaznia dhe Tirana ndajnë pikët në “Loro Boriçi”

Vllaznia dhe Tirana kanë ndarë pikët pas barazimit 2-2 në ndeshjen e vlefshme për javën e dytë të Superiores.

Të parët që kaluan në avantazh ishin bardheblutë me Zharmuni. Ndërkohë në pjesën e parë Tirana ishte edhe e pafat pasi traversa i mohoi një tjetër gol.

Pjesa e dytë do të ishte më e zjarrtë me Balaj që riktheu baraspeshën në minutën e 55-të nga pika e bardhë e penalltisë.  Ndërkohë Ismajli kaloi në avantazh skuadrën e tij, por vetëm pas dy minutash Balaj i prishi festën duke shënuar një supergol nga goditja e dënimit.

22’ GOOOL TIRANA 0-1/ Pas një harkimi nga këndorja, Ualid Zharmoni gjen golin e avantazhit i cili përfiton dhe nga gabimi i portierit Qarrit. (VIDEO)

55′ GOOOL VLLAZNIA 1-1/ Balaj nuk gabon nga pika e bardhë e penalltisë dhe rikthen baraspeshën. (VIDEO)

75’ GOOOL TIRANA 1-2/ Haxhiu harkon nga këndorja dhe Ismajli gjuan drejt portës duke tronditur shkodranët. (VIDEO)

78′ GOOOL VLLAZNIA 2-2/ Balaj shënon një gol spektakolar nga goditja e dënimit duke rikthyer baraspeshën. (VIDEO)

Kështu mbyllet sfida dhe të dyja skuadrat dalin nga “Loro Boriçi” me nga 1 pikë.

gijotina.com/