Policia ka identifikuar tashmë vrasësin e biznesmenit në Shëngjin, Ardian Nikulajt. Ai është shtetasi portugez Ruben Saravia. Ky i fundit është filmuar disa momente përpara se të ndodhte ngjarja e rëndë.
Siç shihet edhe në video, Saravia në ambientet e jashtme të hotelit të Nikulajt është kthyer mbrapsht nga rruga që po ndiqte para se të hynte në lokalin ku ekzekutoi me 7 plumba 51 vjeçarin.
Duke qenë i huaj, sa duket ai nuk e ka njohur dhe aq mirë zonën ku po vepronte si vrasës.
Ndërsa, bashkëpunëtori i ngushtë i Saravias ka qenë shtetasi anglez Steven Hunt. Anglezi ka informuar për lëvizjet e Nikulajt vrasësin.
Anglezi besohet se prej tetë ditësh ka vëzhguar çdo lloj lëvizje që ka kryer Nikulaj. Vrasja e biznesmenit Adrian Nikulaj dyshohet se është porositur nga Edmond Haxhia, për shkaqe hasmërie mes fisesh.
Discussion about this post