Një 28-vjeçar shqiptar ka mbetur i vdekur pasi është goditur me thikë në Athinë. Rreth orës 22.50 të mbrëmjes së djeshme, policia ka gjetur në kryqëzimin e rrugëve “Hanion” dhe “Patision” në Kipseli të Athinës, 28-vjeçarin Denis Loka, i cili ishte i plagosur me thikë në fyt.
Denis Loka është vrarë mbrëmjen e djeshme në Athinë, nga dy kushërinjtë e tij, Enis Loka 17 vjeç dhe Aleksandros Loka 19 vjeç (vëllezër).
Menjëherë është thirrur autoambulanca e cila e transportoi drejt spitalit “Evagelismos” ku ndërroi jetë. Brenda një ore, në stacionin e policisë së Kipselit janë paraqitur dy vëllezërit Loka, të cilët kanë pranuar krimin me justifikimin se ishin dhunuar nga viktima.
Autorët janë shoqëruar në stacionin e policisë nga nëna e tyre dhe dyshohet se 17-vjecari është autori direkt dhe vëllai tjetër bashkëpunëtor.
Paraprakisht ka të dhëna se autorët dhe viktima janë kushërinj me njëri tjetrin.
Dy vëllezërit shqiptarë me nënshtetësi greke kanë pohuar në polici se krimin e kanë kryer pasi ai abuzonte me ta.
Policia greke vazhdon hetimet për ngjarjen ndërkohë që janë sekuestruar dy thika të përdorura në krim.
Discussion about this post