“Nga kontrollet dhe verifikimet e pandërprera, në vijim të operacionit policor të koduar “Coastline”, konstatohen dhe goditen 3 raste të tjera të ndërtimeve të paligjshme” raportoi Policia e Shtetit para pak minutave. Postimi i shoqëruar dhe me video pretendon se është bërë nami nga policia
“Kryenin të paautorizuar punime ndërtimi në objektet e tyre, procedohen penalisht 3 shtetas”, raporton policia e Sarandës duke iu referuar bregdetit në Ksamil. Por çfarë janë këto ndërtime?! Nga video dallohen se janë një kontenier i vendosur diku, që nuk mund të quhet fare ndërtim. Një tjetër rast është një strehë në një lokal ekzistues dhe i treti është një përpjekje për shtesë kati e mbetur në tentativë, sepse ka ngritur vetëm ca kolona. Sikur të merreshin me kompanitë e ndërtimit që bëjnë shtesa në hotelet dhe pallatet e reja, do të ishte më mirë se sa e harxhojnë kohën me gjëra të tilla që janë rutinë e inpektoriatit përkatës IKMT.
“Për këto raste u referuan materialet në Prokurori ku nisi procedimi në gjendje të lirë për shtetasit G. M., 49 vjeç, banues në Dimal, F. D., 62 vjeç, banues në Ksamil dhe E. D., 36 vjeç, banues në Ksamil. Të tre këta shtetas u kapën nga shërbimet e Policisë, teksa kryenin punime ndërtimi, pa leje, në objektet e tyre, në Ksamil dhe në Sarandë”, vazhdon njoftimi.
https://www.facebook.com/policiashtetitshqiptar/videos/567397742095759
Dhe komenti i parë i bërë në Facebook për këtë operacion ishte “…mos u merrni me gjëra të vogla”!
Gijotina.com
Discussion about this post