(VIDEO) Zjarr i madh në Dhërmi, ndërhyrje nga ajri me helikopter, rrezikohen 30 banesa

Pasditen e sotme (4 korrik) një vatër zjarri është aktivizuar në një zonë pyjore në Dhërmi.

Flakët janë përhapur me shpejtësi pasi janë favorizuar nga era e fortë, duke djegur edhe sipërfaqe toke me pemëtari dhe ullinj.

Ministria e Brendshme,bën me dije se shërbimet zjarrfikëse dhe forcat e armatosura po punojnë për shuarjen e këtij zjarri.

Ndërkohë që era e fortë po favorizon flakët të shkojnë drejt banesave të zonës së Gjilekës ku janë rreth 30 banesa që rrezikohen në qoftë se zjarri përparon.

Në ndihmë të zjarrfikësve të Himarës janë dhe banorët e fshatit Dhërmi të cilët me mjete rrethanore po ndihmojnë për izolimin e zjarrit dhe mos përhapjen e mëtejshme të flakëve.

Sipas policisë, zjarri në zonën e fshatit Dhërmi është shuar nga zjarrfikësit si dhe me ndihmën e helikopterit Cougar, që bëri të mundur hedhjen e ujit nga ajri.

Ndërsa në zonën poshtë Qafës së Llogorasë dhe në vendin ku hidhen parashutistët vijon të jetë në flakë, ndërsa ndihmohet edhe nga era që fryn nga pjesa jugore. Punonjës të zjarrfikëseve, por dhe helikopteri po izolojnë flakët dhe po mbajnë në kontroll zjarrin. /gijotina.com/

Lexo edhe:

Video – Zjarri në Dhërmi, Mbrojtja Civile thirrje qytetarëve: Shmangni kalimin në Qafën e Llogarasë