Zona e Bukmirës në Mirditë, është përfshirë nga një zjarr i përmasave të mëdha mesditën e sotme. Mësohet se zjarri i ka rrezikuar banesa dhe shumë vreshta rrushi. Edhe pse ndërhyrja nga toka konsiderohej e vështirë më shumë se dy orë më parë forcat zjarrfikëse ishin nisur drejt vendngjarjes.
Në një njoftim në Facebook, ministri i Mbrojtjes, Niko Peleshi bën me dije se një helikopter i Forcave të Armatosura i është bashkuar aksionit për të vendosur nën kontroll flakët.
“Helikopteri i Forcës Ajrore sapo i është bashkuar aksionit për shuarjen e flakëve në fshatin Bukmirë në Mirditë, ku zjarri ka marrë përmasa të mëdha. Frocat zjarrfikëse nga Mirdita, Tirana, Kukësi e Burreli janë duke punuar nga terreni. Dyshimet janë se si në Krujë ashtu edhe në Mirditë zjarret janë të qëllimshme” – shkruan Peleshi.
Discussion about this post