Kievi është zgjuar në tmerr ditën e sotme pas sulmeve që ka nisur sot Rusia ndaj Ukrainës. Në orët e para të kësaj ditë janë shënuar disa viktima dhe dhjetëra të lënduar, ndërsa banorët po përpiqen të largohen diku ku mund të jenë të sigurtë.
Më poshtë janë disa foto që tregojnë një pjesë të asaj që po ndodhë në Ukrainë, pas nisjes së pushtimit rus.
Presidenti rus, Vladimit Putin miratoi të mërkurën mbrëma, më 23 shkurt nisjen e një operacioni ushtarak në Ukrainë duke e bërë të ditur këtë në një fjalim televiziv.
Menjëherë pas kësaj pati njoftime për sulmet e para dhe shpërthime në disa rajone të Ukrainës. Në këto foto që ka publikuar The Guardian shihen zona në flakë, re të zeza tymi në qiell, tanke dhe mjete të blinduara ushtarake ruse që përparojnë në Donetsk.
Në një tjetër foto shihen disa vajza teksa mbajnë në duar celularin e strehohen në një stacion metroje në Kiev. Banorët e Kievit largohen nga qyteti pas sulmeve me raketa. Një grua e plagosur shihet teksa sulmet ajrore dëmtojnë një kompleks apartamentesh jashtë Kharkiv, Ukrainë.
Discussion about this post