Një video e Don Xhoni teksa largohet me forcë nga një lokal Bruksel, bëri xhiron e rrjetit ditën e sotme. Pas publikimit të pamjeve ku duket se ai ka pasur një sherr që ka degjeneruar në sharje dhe ofendime, reperi ka reaguar duke mohuar gjithçka.
Don Xhoni, është kontaktuar nga abcnews.al në lidhje me ngjarjen, dhe ka shprehur se nuk ka pasur asnjë problem me askënd në Bruksel. Megjithatë, pas deklaratës së reperit se nuk ka pasur asnjë sherr, fansat janë ende në dilemë nëse është vërtetë ai në video apo mund të jetë dikush tjetër që i ngjan.
Nga ana tjetër, ai para pak ditësh solli këngën e tij “Crypto” në të cilën duket se i bën diss disa prej reperëve si Majk, Ledri, Finem apo Noizy. Majk e ofendoi gjatë Freestyle të tij të fundit në emisionin e Meriton Mjekqit kurse Finem në një video live në Instagram.
Reperi nga Kosova nuk ka reaguar drejtpërdrejtë për asnjërin dhe nuk u është kundërpërgjigjur në rrjetet sociale. Këtë herë ai zgjodhi ‘këngën’ si mjetin e vetëm për tu kundërpërgjigjur.
Discussion about this post