Vallëzimet e tij të publikuara në rrjetin social “Tik-Tok” bëri që profesori nga Vushtrria të fitoj zemrat e mijëra përdoruesve të këtij rrjeti, madje mori edhe epitetin si “Profa i Tik Tok-ut”.
Por jo të gjithë e mirëpriten këtë veprim të profesorit Paci. Shumë kritika erdhën në adresë të tij, derisa ai duke folur për këtë gjë një intervistë për KTV-në, shpërtheu në lot.
Ai tha se vëllait të tij, i ka thënë se nëse ndihet i turpëruar, të mos tregojë se e ka vëlla.
“I thashë vëllait tim, nëse të pyesin se çka e ke Lulzim Pacin, thuaj kushëri. Mos i thuaj vëlla”, deklaroi Paci derisa ia nisi të qajë.
Reagime për sjelljen e profesorit në “Tik-Tok” pati edhe nga deputetë të Kuvendit të Kosovës, të cilët këtë veprim të profesorit e quajtën si të pahijshëm. Ishte deputetja e LVV-së, Fjolla Ujkani ajo e cila kërkoi nga Gjimnazi “Eqrem Çabej” në Vushtrri dhe Drejtoria e Arsimit që të marrin masa. Por më vonë është penduar ku i ka kërkuar dhe falje.
Lulzim Paci i ka falënderuar të gjithë qytetarët që e kanë përkrahur në kohët e fundit, që sipas tij janë të rënda, e veçanërisht për nënën e tij. Ai thotë se njerëzit nuk duhet të japin paragjykime pa argumente dhe mos t’i linçojnë njerëzit.
Ai ka thënë se ka respekt për deputeten Fjolla Ujkani, kërkim-faljen e së cilës e ka pranuar.
“Më njoftuan se ka kërkuar falje publike. Të mençurit falin në atë aspektin nuk hakmerren. Le të jetë në ndërgjegjen e secilit. Zoti ia kthen dhe le të jetë në ndërgjegjen e saj. Unë kam respekt për të, ajo ka qenë nxënëse në shkollën tonë. Respekt edhe për to. Unë mendoj që kam pasur të drejtë dhe sa i përket valleve kombëtare, promovimit, kultivimit dhe ruajtjes së traditave shqiptare do të vazhdoj të publikojë video që kanë përmbajtje për të vetmen arsye që mos t’i harrojmë traditat tona” – tha ai për Paparacin.
Sidoqoftë, një pjesë tjetër e mirëpriti këtë duke treguar përkrahjen në forma të ndryshme, madje edhe me një sfidë të quajtur, ‘ProfaChallenge’. Reagimet nuk munguan as nga fytyrat publike, të cilët u befasuan nga shkrimet që kanë parë dhe rreth asaj që u tha për profesorin. Krahas Labinot Tahirit, Adriana Matoshit e Gjikos, mendimet e tyre lidhur me rastin i shprehën edhe Gold AG, Yllka Kuqi, Adelina Ismaili, Engjëllusha Salihu e Ermal Fejzullahu.
Discussion about this post