VIDEOLAJM/ Shpaloset flamuri gjigand në Air Albania

Ashtu sikundër kishin premtuar, tifozët që përkrahin kombëtaren shqiptare, kanë shpalosur në “Air Albania” një flamur gjigand.

I gjithë stadium është kthyer në një arenë festive, me ovacione dhe atmosferë të zjarrtë, ndërsa Shqipëria ka siguruar kualifikimin për në Euro2024.

Kjo është pjesëmarrja e 2-të e kombëtares shqiptare në eventin më të rëndësishëm futbollistik europian.

Pas pjesëmarrjes në Europianin e luajtur në Francë, tashmë Shqipëria do të jetë një nga 24 ekipet që do të luajnë në europianin që do të zhvillohet në Gjermani.

Por këtë rradhë, kombëtarja kuqezi shkon në Euro2024, si kryesuese e Grupit E.

Në “Air Albania” janë disa banderola të grupimeve të tifozëve, një prej të cilave edhe ajo e 20-vjetorit të krijimit të grupimit “Tifozët Kuq e Zi”.