Eksperti i kriminalistikës, Ervin Karamuço, ka reaguar pas kritikave në drejtim të tij, kur në një emision televiziv zbuloi se në telefonat e gazetarëve dhe personazheve të ndryshëm qarkullonte një video erotike e një prej femrave më të njohura të “shoëbizit” shqiptar.
Deklarata e Karamuços pasoi me reagime të shumta mediatike dhe në rrjetet sociale, madje u aluduan edhe nga mund të kishin rrjedhur videot.
Gazetari Artan Hoxha, i pari që reagoi, jodhi poshtë tezën se video mund të kishte dalë nga telefoni i Ervis MArtinajt, pasi sipas tij, aplikacioni SKY nuk lejonte përdorimin e videove.
Më pas u aludua se video mund të ketë rrjedhur nga SPAK, por edhe kjo hipotezë u rrëzua, ndërsa më pas u ngritën dyshime se video ishte montazh.
Në emisionin “Top Story”, mbrëmjen e së hënës, Karamuço, aludoi se rrëmuja pas deklaratës së tij është krijuar nga “dora e fshehtë e krimit të organizuar” që mundohet ta vendosë atë në pozitë të vështirë.
Karamuço tha se kur ka folur për videon nuk ka përmendur as emër personazhi, e as telefonin apo burimin nga ka rrjedhur video.
Në këto kushte, eksperti i sigurisë tha se spekulimi sipas tij është bërë nga ata që duan të zhvendosin vëmendjen.
“Në Shqipëri ka një dorë të madhe të fshehtë, e përbërë nga anëtarë të krimit të organizuar. Që kur ne flasim për “SKY” ata duan që të zhvendosin vëmendjen. Kur unë flas për këtë fenomen, pa përmendur as emra, as lidhje, kjo dorë e fshehtë inskenon diçka duke më vënë në pozitë të vështirë mua.
Ju montojnë video dhe thonë ja, ky është ai që nuk është më i besueshëm. Është ai që vërtet gënjen, mashtron. Denigrojnë figura që flasin. Nuk duhet absolutisht që ne të merremi me gjëra të vogla që nuk i përkasin kësaj vëmendjej. Kjo dorë e fshehtë e ka më të lehtë të nxjerrë gjëra për konsum me të vegjlit, dhe e ka shumë më të vështirë me gjykatësit e prokurorët. Është keqpërdorur dhe unë e drejtoj gishtin te kjo dora e fshehtë e krimit të organizuar”, tha Karamuço.
Discussion about this post