Vidhet banesa e të moshuarve në Shkodër, ‘skifterët’ grabisin 100 mijë euro

Një banesë në Shkodër është vjedhur gjatë ditës se sotme, ku hajdutët kanë arritur të marrin rreth 100.000 euro cash.

Vjedhja është kryer në qendër të qytetit dhe hajdutet kanë hyrë nga dera kryesore duke mos ngjallur dyshime tek komshinjtë.

Në momentin e vjedhjes, nuk kanë qenë në shtëpi dy të moshuarit që jetonin aty.

Burime pranë grupit hetimor bëjnë me dije se autori, i maskuar, i është afruar në banesë me biçikletë, dhe po me të është larguar, e ka hapur derën me çelës, ka hyrë brenda dhe krejt i qetë ka mundur të marrë shumën e konsiderueshme të parave.

Dyshimet e hetuesve janë për njeri të njohur të familjes, bazuar në mënyrën se si ka vjedhur, pa thyerje, me çelës dhe me informacion të detajuar për vendndodhjen e parave.