Shtëpia e lojtarit të Barcelonës, Ansu Fatit në Sant Cugat del Valles ka rënë pre e hajdutëve në kohën kur po luhej derbi midis Barcelonës dhe Espanyol të shtunën.
‘La Vanguradia’ raporton në kohën që ka ndodhur kjo ngjarje familja e lojtarit ndodhej në shtëpi duke parë ndeshjen.
Personat që kanë kryer vjedhjen kanë hyrë në katin e sipërm, nga ku raportohet se kanë marrë para, bizhuteri dhe ora, teksa familja e Ansu Fatit ndodhej në katin e parë.
Pasi kanë ndjerë disa zhurma familjarët e lojtarit kanë lajmëruar policinë, për të mos u përballur me hajdutët. Megjithatë në momentin që patrulla ka mbërritur ata ishin larguar, megjithatë dhomat në katin e sipërm ishin të trazuara, alarmi ishte i fikur dhe kamerat e sigurisë fikur po ashtu.
Ndërsa më tej raportohet se futbollisti ka bërë një denoncim për vjedhje në stacionin e policisë Mossos në Sant Cugat./K.T/Gijotina.com
Discussion about this post