Banda prej 5 shqiptarëve është kapur nga policia e Francës ditën e sotme. Bëhet me dije se këto pesë persona me origjinë shqiptare prej muajsh ishin kthyer në makthin e francezëve, pasi çdo natë vidhnin nga një shtëpi dhe nuk ishin identifikuar dot nga banorët. Shqiptarët fshiheshin në shtëpinë e një tjetër bashkatdhetari, i cili ishte integruar në shoqërinë franceze dhe banonte vetëm disa qindra metra larg stacionit të policisë në Nicë.
Në orën 6 të mëngjesit oficerët e policisë së këtij qyteti ishin nisur për të arrestuar të 5 personat, njëri prej tyre kaloi nga ballkoni dhe u përpoq të arratisej përmes çatisë së ndërtesës. Arratisja e tij dështoi pasi ra në prangat e policisë. Të 5 personat u dërguan ditën e enjte në prokurorinë e Nicës për t’u përballuar më pas me drejtësinë.
Discussion about this post