Vidhnin banesa e markete, arrestohen dy persona në Tiranë – Emrat

Dy persona janë vënë në pranga në Tiranë për vjedhje të banesave dhe të marketeve, me finalizimin e operacionit të koduar policor “Shadow Hunt”.

Janë zbardhur dhe dokumentuar 6 raste të vjedhjeve, që dyshohet se janë kryer nga Endri Guzja, 34 vjeç, banues në Bulqizë dhe Olsen Lala, 38 vjeç, banues në Tiranë.

Nga tërësia e veprimeve hetimore të kryera,  njoftoi policia, ka rezultuar se dy të arrestuarit janë autorë të vjedhjeve në disa banesa, konkretisht:

• – Më datë 29.12.2024 kanë vjedhur një shumë parash në banesën e shtetasit M. N.
• – Më datë 12.01.2025 kanë vjedhur një shumë parash në banesën e shtetasit H. M.
• – Më datë 22.01.2025 kanë vjedhur artikuj të ndryshme në marketin e shtetases M. K.
• – Më datë 24.01.2025 kanë vjedhur disa sende me vlerë në banesën e shtetasit O. P.
• – Më datë 27.01.2025 kanë vjedhur një shumë parash në banesën e shtetases L. H.
• – Më datë 02.02.2025 kanë vjedhur shumën prej 7000 euro në farmacinë e shtetasit D. J.

Ata i studionin vendet dhe banesat që vidhnin dhe vepronin në orët e vona të natës, duke hyrë nga dritarja apo çatia e banesave.

Në cilësinë e provës materiale janë sekuestruar një shumë parash prej 1600 euro, që sipas bluve, kanë rezultuar të vjedhura në banesat e lartpërmendura.