Policia e Skraparit ka vënë në pranga dy persona ditën e sotme, pasi janë kapur duke vjedhur energji elektrike nëpërmjet lidhjeve të paligjshme.
Kanë qenë shërbimet e policisë së bashku me punonjësit e OSHEE-së, që kanë ushtruar kontroll në banesat e personave dhe kanë konstatuar lidhjet e paligjshme të energjisë elektrike.
Policia arrestoi në flagrancë Feruzan Shallari, 65 vjeç dhe Ernest Shallari, 41 vjeç, të dy banues në Gjerbës, Skrapar, për veprën penale “vjedhja e energjisë elektrike”.
Materialet i kaluan Prokurorisë së Rrethit Gjyqësor Berat, për veprime të mëtejshme.
