Gjykata e Apelit të Posaçëm Kundër Korrupsionit dhe Krimit të Organizuar ka lënë në burg gjashtë anëtarët e grupit kriminal që merreshin me vjedhje makinash në Kosovë, e më pas i shisnin në Shqipëri.
Masa arrest me burg është përcaktuar për oficeren e Operacionales, Vojsava Doda, efektivin e policisë Kukës, Endi Ahmetaj dhe shtetasit Selaudin Shahini, Aurel Shatri, Ndriçim Shahini dhe Ervis Cara për “trafik të mjeteve motorike” dhe “grup të strukturuar kriminal”.
Sipas SPAK ky grup drejtohej nga Selaudin Shahini, ndërsa të arrestuarit e tjerë ishin miq e lidhje shoqërore të tij. Mësohet se, anëtarët e këtij grupi kriminal vidhnin automjete në Kosovë, e më pas u montonin targa shqiptare dhe nuk i regjistronin në kufi.
Në masën e arrestit në shtëpi për këtë çështje është duke u hetuar edhe efektivi tjetër i policisë Fatri Braha, me detyrë në Pikën Kufitare të Morinës, ndaj tij gjykata caktoi masa e arrestit të shtëpisë, por ai nuk e apeloi vendimin e shkallës së parë.
Discussion about this post