Komisariati numër 3 në Tiranë ka finalizuar operacionin e koduar “The night”.
I riu, 35 vjeç i vënë në pranga, dyshohet se ka kryer disa vjedhje të banesave dhe bizneseve në kryeqytet.
J.T mësohet se edhe më herët ka qenë i dënuar për veprën penale të vjedhjes.
Shtetasi J. T. dyshohet të jetë autor i disa vjedhjeve, në banesa dhe biznese të ndryshme të Tiranës, konkretisht:
– Më datë 07.06.2022, në rrugën “Panorama”, dyshohet se ka vjedhur në banesën e shtetasit A. K.;
– Më datë 02.09.2022, në “Don Bosko”, dyshohet se ka vjedhur në farmacinë e shtetases M. D.;
– Më datë 07.09.2022, në “Don Bosko”, dyshohet se ka vjedhur në një subjekt për këmbim valutor, në administrim nga shtetasja D. G.;
– Më datë 12.09.2022, në rrugën “Dritan Hoxha”, dyshohet se ka vjedhur telefonin e shtetases Xh. D.
Vijon puna për dokumentimin e plotë me prova ligjore, të vjedhjeve të tjera që mund të jenë kryer nga ky shtetas. Materialet në ngarkim 35-vjeçares i kaluan Prokurorisë.
Discussion about this post