Vidhte energjinë elektrike për të rritur kanabisin në banesë, arrestohet shqiptari në Angli

Autoritetet britanike kanë arrestuar një shqiptar pasi u kap në një banesë ku kultivohej lëndë narkotike. Sipas mediave në Angli, shqiptari i arrestuar është Aurel Marko, i cili kishte mbi tre muaj që kujdesej për kultivimin e drogës.

Shqiptari është dënuar me 12 muaj burg, pasi ai pranoi se prodhonte lëndë narkotike, madje vidhte edhe energjinë elektrike.

Nga ana e autoriteteve nuk u bë e ditur sa ishte vlera e drogës, por u deklarua se fitimet nga shitja ishte e konsiderueshme.

Gjithashtu, në banesën ku shqiptari kujdesej për kultivimin e drogës, kishte një dhomë gjumi, ushqim dhe pije.