Policia e Shtetit ka goditur një veprimtari kriminale në fushën e krimeve kibernetike. Sipas njoftimit, është arrestuar në flagrancë një grua dhe është proceduar penalisht bashkëpunëtorja e saj.
Burime zyrtare të policisë bëjnë me dije se J. M., 33 vjeçe dyshohet se brenda dhe jashtë territorit të Shqipërisë ka përdorur të dhënash kartash bankare të cilët dyshohen se janë vjedhur nga shtetas të tjerë.
Me paratë e përfituara këta shtetase kanë blerë telefona. Gjatë kontrollit fizik dhe kontrollit në banesat e këtyre dy shtetasve, janë gjetur dhe sekuestruar në cilësinë e provës materiale dy telefona celular të markës iPhone, karta të ndryshme dhe dokumente dhe fatura të ndryshme bankare.
Nga hetimet e deritanishme ka rezultuar se J. M. ka kryer blerje në shumën rreth 1.700.000 lekë, ndërkohë dyshimet janë se ka kryer dhe blerje të tjera në kompani të cilat shesin produkte në rrjet (online) dhe për këtë fakt hetimet janë në vazhdim.
Discussion about this post