Një grabitës “serial” ka rënë në prangat e policisë në Tiranë. Burime policore bëjnë me dije se i arrestuari është identifikuar si A. H., 39- vjeç. Policia jep detaje se 39- vjeçari në kohë dhe në vende të ndryshme, dyshohet ka kryer vjedhje në biznese në zona të ndryshme të Tiranës. Nga tërësia e veprimeve hetimore ka rezultuar A. H. është autor i 5 rasteve të vjedhjeve të laptopëve në biznese të ndryshme dhe ka qenë i dënuar më parë për këtë vepër penale.
Vjedhjet:
– Më datë 21.01.2022, në rrugën ”Luigj Gurakuqi”, dyshohet se ka vjedhur një laptop në një dyqan;
– Më datë 24.01.2022, në rrugën ”Luigj Gurakuqi”, dyshohet se ka vjedhur një laptop në një dyqan;
– Më datë 24.01.2022, në rrugën ”Xhanfize Keko”, dyshohet se ka vjedhur një laptop në një dyqan;
– Më datë 26.01.2022, dyshohet se ka vjedhur një laptop në një qendër tregtare;
– Më datë 27.01.2022, në Rrugën e Durrësit, dyshohet se ka vjedhur një laptop në një dyqan.
Në cilësinë e provës materiale janë sekuestruar katër laptopë dhe veshje që dyshohet se autori i përdorte për kryerjen e vjedhjeve.
https://streamable.com/s8uwcr
Discussion about this post