Vidhte paratë ndërsa shiste produkte pa fatura, në pranga agjenti i shitjeve në Tiranë

Një 34-vjeçar ka rënë në prangat e bluve të kryeqytetit për akuzën e mashtrimit. Mësohet se personi i identifikuar si S.Z, gjatë kohës që ka punuar si agjent shitjesh në një subjekt, ka shitur produkte pa dorëzuar faturat dhe ka përvetësuar shumat e të ardhurave nga shitjet e kryera. Ai do të akuzohet për veprat penale “Vjedhje e kryer duke shpërdoruar detyrën” dhe “Mashtrimi”
“Specialistët e Seksionit për Hetimin e Krimit Ekonomik dhe Financiar referuan materialet në Prokurori dhe nisi procedimi penal në gjendje të lirë për shtetasin S. Z., 34 vjeç, banues në Përmet, për veprat penale “Vjedhja e kryer duke shpërdoruar detyrën” dhe “Mashtrimi”. Ky shtetas, gjatë kohës që ka punuar si agjent shitjesh në një subjekt, ka shitur produkte pa dorëzuar faturat dhe ka përvetësuar shumat e të ardhurave nga shitjet e kryera.”-njofton policia.