Dy persona janë arrestuar ditën e sotme në Tiranë, pasi akuzohen për vjedhje.
Policia bën me dije se në kuadër të operacionit “Sakosa”, në pranga kanë rënë personat e identifikuar me iniciale D. S., 28 vjeç dhe A. Xh., 20 vjeç, banues në fshatin Marikaj, për veprën penale “Vjedhja”, e kryer në bashkëpunim, mbetur në tentativë.
Këta persona janë kapur në flagrancë, nga shërbimet e Policisë, gjatë kohës që po tentonin të vidhnin disa profile hekuri, për tabela reklamuese, në lagjen Sakosë, Vorë.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
Discussion about this post