Një 57-vjeçar është arrestuar nga policia e Vlorës, pasi tentoi të digjte banesën e vëllait të tij.
Kjo gjë ka ardhur si pasojë e një konflikti për motive të dobëta që ata kanë pasur me njëri-tjetrin, duke çuar më pas edhe në degradimin e situatës.
“Shërbimet e Komisariatit të Policisë Vlorë, pas njoftimit se në lagjen “4 Heronjtë”, në ambientet e banesës së shtetasit K. B, kishte shkuar vëllai i tij dhe po tentonte t’i digjte banesën, menjëherë kanë shkuar në adresën e dhënë, duke parandaluar përshkallëzimin e mëtejshëm të ngjarjes dhe shoqërimin e shtetasit Mitat Bilali”, deklaroi policia.
Në përfundim të veprimeve, nga specialistët për Hetimin e Krimeve në Komisariatin e Policisë Vlorë u bë arrestimi në flagrancë i 57-vjeçarit Mitat Bilali, 57 vjeç, banues në Vlorë.
Materialet procedurale i kaluan Prokurorisë pranë Gjykatës së Shkallës së Parë Vlorë, për veprën penale “Dhuna në familje”.”, thuhet në njoftimin e policisë.
