Ashtu sikurse pritej Finem i ka bërë diss Don Xhonit në këngën e tij të re. Reperi erdhi me një bashkëpunim me Solon dhe Selmon me titull “Tipa” dhe pjesa e Finemit mendohet se është diss për reperin nga Kosova.
“Leko, tregi, fama, flexi/ Mos fol shumë ndjenjat t’i vdeki/ Interesi rritet xhepi/ Ti po flet hala për Benzin/ Mos ma rruni shumë se ua q* krejt sistemin/ I njoh mirë këto baba/ Shpulla gojës mes miletit/ A po don flatra? Jemi më nalt se maja”, thotë në këngën e tij Klejdi Dogjani, i cili njihet me emrin e tij të artit ai Finem.
Dhe kjo duket si një kundërpërgjigje ndaj këngës “Unë foli i fundit” i Don Xhonit ku ai përmend Benzin, duke thënë se të tjerët kanë blerë makina por ai ka blerë vilë në pandemi.
Më tej, Finem thotë: “Ju gjujni me kunja, na gjujna me shpata.” dhe kjo lidhet pikërisht me diss-et që i ka bërë Don Xhoni, emri i vërtetë i të cilit është Xhonata Isufi.
Javët e fundit dy reperët kanë nisur të thumbohen sërish në rrjetet sociale dhe në këngët e tyre. Edhe Don Xhoni në projektin e tij të fundit me titull “Crypto” i ka bërë diss Finemit, i cili e ironizoi dhe e shau Don Xhonin në një video-live që realizoi në rrjetin e tij social Instagram.
Në “Crypto” Don Xhoni thotë: “Gjujna si NATO, kjo nuk është Totorino”, pasi në një nga këngët që do nxjerrë së shpejti Finemi e konsideron veten Totorino.
E fill pas kësaj ai u shfaq në krah të Noizyt, i cili po ashtu nuk ka raporte të mira me Don Xhonin. Këto veprime lanë vend për interpretime se Noizy dhe Finem mund të realizojnë ndonjë bashkëpunim dhe diss për reperin nga Kosova.
Discussion about this post