Këtë të mërkurë pritet që dosjet e Agjencisë Shtetërore të Kadastrës së Vlorës të zhvendosen drejt Tiranës.
Urdhri me sa duket ka ar dhur nga lart, ku punonjësve të hipotekës së Vlorës po u bëhet presion për të ngarkuar dosjet jashtë çdo standardi ligjor dhe pa mbajtur asnjë inventar.
Punonjësit po detyrohen t’i zhvendosin ato pa bërë inventarizimin e tyre, ndonëse në hipotekën e qytetit bregdetar bëhet fjalë për prona që kanë qenë mollë sherri dhe që u janë dhënë disa investitorëve strategjikë të lidhur ngushtë me qeverinë.
Të gjendur përballë këtij presioni politik dhe urdhri nga lart, punonjësit e dinë se në dosjet e hipotekës së Vlorë ndodhen prona të rëndësishme dhe që shpesh herë, e drejta e pronarëve për ta rimarrë atë, ka përfunduar në dyert e gjykatave për të gjetur një zgjidhje.
Ndërkohë vendimi i befasishëm për transferimin e Kadastrës së Vlorës në Tiranë ka shkaktuar pakënaqësi dhe pasiguri te punonjësish, të cilët kanë ngritur zërin kundër asaj që e cilësojnë një lëvizje të padrejtë dhe të pakoordinuar.
Punonjësit më herët janë shprehur se vendimi është marrë pa asnjë paralajmërim apo informacion paraprak mbi mënyrën se si do të menaxhohen kushtet e reja të punës, veçanërisht transporti dhe logjistika.
“Është krejt ndryshe. Ne nga sot nesër nuk e dimë ku të vemi, ku do të flemë në Tiranë, do vemi e do vijmë”, deklaroi një prej tyre.
Pavarësisht se punonjësit kanë kërkuar që vendimi të rishikohet, me sa duket urdhri për transferimin e dosjeve pa inventar tregon se vendimi tashmë është i formës së prerë nga ana e institucioneve dhe urdhrave të dhënë më lart.
Discussion about this post