Gjatë vitit 2024 kanë marrë certifikatën e sjelljes së mirë pranë Urdhrit të Mjekut 146 mjekë kryesisht të rinj.
Ky dokument i nevojiten mjekëve që largohen nga Shqipëria, pa të cilin nuk mund të punësohesh apo të futesh në asnjë klinikë shëndetësore jashtë territorit shqiptar, por gjithashtu nuk pranohen të marrin pjesë e as nëpër konferenca apo trajnime që mund të kryen nga institucione shëndetësore jashtë vendit apo specializomë dhe doktoratura.
“Edhe këtë vit jemi pothuajse në të njëjta shifra 147 kanë qenë në vitin 2023 146 janë në vitin 2024”, shprehet Fatmir Brahimaj, President i Këshillit kombëtar të Urdhrit të Mjekëve të Shqipërisë.
Ndonëse ka pasur disa iniciativa motivues për të frenuar ikjen mjekëve që nga rritja e pagave për mjekët specialistë me gati 50 mijë lekë të reja apo kreditë buta, shumë nga ato që largohen nuk kanë si argument pagën, por kushte e punës dhe qasja e teknologjisë së re si inteligjenca artificiale apo aparatura moderne që mjekësia ofron në vende të BE-së dhe jo vetëm.
“Është një trend kudo. Gjermanët ikin në vendet nordike. Por ne nuk e kemi luksin sepse jemi vend i vogël e nuk kemi mjekë me tepricë”, shton ai.
Por për të zbutur boshllëkun që krijon largimi i mjekëve të dhëna optimiste vijnë nga zyra e licencimit të mjekëve të rinj.
“496 mjekë u licencuan ndërkohë që 260 po bëjnë praktikën”, përfundon Brahimaj.
/TCH/
Discussion about this post