Stavri Vasilovski, personi që po kërkohet nga polumbarët pas mbytjes në liqenin e Prespës, mësohet se është punonjës i Bashkisë së Pustecit. 45-vjeçari kishte dalë për të peshkuar mbrëmjen e djeshme së bashku me të vëllanë dhe një person tjetër, por dallgët e forta kanë bërë që varka të përmbyset.
Në momentin që varka është përmbysur vëllai i viktimës dhe personi tjetër që ishte me ata kanë arritur të dalin me not, por 45 vjeçari dyshohet se është mbytur pasi e ka zënë varka poshtë.
Puna për gjetjen e trupit të tij ende është në vijim nga ana e polumbarëve dhe banorëve të zonës.
