Katastrofa mjedisore e bregdetit te Semanit nis nga grykëderdhja e lumit Seman e deri në lumin Vjosë. Agjensitë e ruajtjes së mjedisit dhe inspektorët në rang bashkie vazhdojnë të ngrenë supet.
Nuk janë pak por afro 5 km vijë bregdetare që nis nga grykëderdhja e lumit Seman në bregdetin e Semanit dhe vijon me plazhet tek Gjermani, në Darrëzezë, në Pishë Poro e përfundon në grykëdedhje të lumit Vjosë.
Punonjës të agjensisë së ruajtjes mjedisit jo që nuk i kanë parë por as bëhet fjalë që të kenë gjobitur edhe personat përgjegjës si shkaktarë të kësaj situate edhe pse paguhen me taksat tona. Të njëjtën përgjegjësi kanë dhe autoritetet e ruajtjes së mjedisit në bashkinë Fier pasi u vjelin qytetarëve taksën e pastrim gjelbërimit por, ndërkohë situata është skandaloze në vijën bregdetare për nga Semani deri në Vjosë.
Punonjës të agjensisë së ruajtjes mjedisore qëndrojnë të heshtur dhe nuk kthejnë asnjë përgjigje por jashtë kamerave shprehen se: “Jemi inspektorë, konstatojmë gjendjen dhe raportojmë, gjobat i vendosin shefat dhe vjeljen e tyre e bën qëndra në Tiranë, për informacion kontaktoni me qëndrën tonë në Tiranë.”
Në çdo celje sezoni turistik bashkia mjaftohet vetëm me pastrimin e një hapsire në plazhet përgjatë vijës bregdetare, ku frekuentohet nga qytetarët, ndërkohë që pjesa tjetër ndër vite ka mbetur në mëshirë të fatit dhe që qytetarët vetëm paguajmë e paguajnë taksat për rroga inspektorlsh mjedisorë, për pastrim e gjelbërim ambientesh.
