Peticioni për ndëshkimin kapital të Klodian Çalamanit, vrasësit gjakftohtë të 8- vjeçarit Mateo Vllasiu, vijon. Familjarët e viktimës së pafajshme të vrarë në mënyrë makabre kanë qenë ditën e sotme prezentë në qytetin e Elbasanit.
Ata u vendosen përballë teatrit Skampa, ku edhe pse nuk ka pasur një njoftim në media, kanë qenë të shumtë qytetarët që kanë ndaluar dhe kanë firmosur për dënimin maksimal.
Qytetarët në një deklaratë për mediet kanë pohuar se ngjarja makabër i ka prekur pa masë dhe se njerëz mizor si Çalamani nuk meriton të jetojë dhe ushqehet me taksat e tyre. “
Vendosa ti bashkohem kësaj kauze sepse mendoj se duhet vendosur në vend drejtësia që na mungon mes shqiptare, për të vënë drejtësinë ndaj engjëllit që humbi jetën prej një mostre si ai që e vrau. Ai nuk e meriton të jetojë me taksat tona apo të shijojë jetën”, u shpreh një banore.
“Duke parë që nuk ka shtet jemi të detyruar ta bëjmë vetë ligjet, varjen e ka pak. Nëse ne bashkohemi të gjithë i Shqipëri, çdo qytet do të bëjmë ligjet”, u shpreh një vajzë e re.
Ndërkohë, më herët familjarë dhe të afërm të vogëlushit ishin para dyerve të gjykatës së Fierit ku kanë kërkuar dënimin me vdekje për autorin.
Discussion about this post