Një kryeplak dhe një inspektor për Pyjet dhe Mjedisin në Mirditë janë proceduar penalisht, pasi akuzohen për shpërdorim të detyrës.
Policia bën me dije se është proceduar penalisht kryeplaku i fshatit Brisë dhe inspektori për Pyjet dhe Mjedisin, për shpërdorim detyre dhe moskallëzim krimi.
Ndërkaq në vijim të veprimeve hetimore u proceduan në gjendje të lirë për veprat penale “Moskallëzimi i krimit” dhe “Shpërdorimi i detyrës”, shtetasit: N. K., me detyrë kryeplak i fshatit Brisë dhe A. Q., me detyrë inspektor për Pyjet dhe Mjedisin.
Njoftimi i policisë:
Vijojnë kontrollet për parandalimin, evidentimin dhe goditjen e tentativës për kultivim të bimëve narkotike.
Evidentohet një rast i tentativës për kultivimin e bimëve narkotike.
Procedohen penalisht kryeplaku i fshatit Brisë dhe inspektori për Pyjet dhe Mjedisin, për shpërdorim detyre dhe moskallëzim krimi.
Strukturat e DVP Kukës, në zbatim të planit të masave për kontrollin e territorit, me qëllim parandalimin, evidentimin dhe goditjen e tentativës për kultivim të kanabisit, kanë vijuar kontrollet në sipërfaqe të pyllëzuara, banesa të braktisura nga pronarët, ish-reparte ushtarake dhe në ato banesa për të cilat disponohet informacion policor se mund të ketë tendencë për kultivim.
Si rezultat i kontrolleve është evidentuar një rast i tentativës për kultivim të bimëve narkotike, në fshatin Brisë.
Në vijim të veprimeve hetimore u proceduan në gjendje të lirë për veprat penale “Moskallëzimi i krimit” dhe “Shpërdorimi i detyrës”, shtetasit: N. K., me detyrë kryeplak i fshatit Brisë dhe A. Q., me detyrë inspektor për Pyjet dhe Mjedisin.
Vijon puna për identifikimin dhe kapjen e personave të përfshirë në këtë aktivitet kriminal.
Materialet i kaluan Prokurorisë së Rrethit Gjyqësor Tropojë, për veprime të mëtejshme.
