Policia e Krujës ka goditur një tjetër rast të tentativës për kultivim të bimëve narkotike.
Policia jep detaje se si rezultat i kontrollit në fshatin Halil në banesën e A. B., 54 vjeç janë konstatuar të mbjella disa fidanë kanabis. E për këtë arsye A. B., ka përfunduar në pranga.
Sakaq është bërë edhe arrestimi R. S., 19 vjeç, banues në fshatin Nikël, Krujë, pasi gjatë kontrollit të ushtruar në oborrin e banesës së tij, shërbimet e Policisë gjetën dhe sekuestruan në cilësinë provës materiale një sasi lëndë narkotike cannabis sativa; O. K., 18 vjeç, pasi gjatë kontrollit fizik, iu gjet një sasi lëndë narkotike cannabis sativa.
Gjithashtu, u ndalua shtetasi L. D., 34 vjeç, banues në Krujë, pasi është shpallur në kërkim policor nga strukturat e DVP Shkodër, për veprën penale “Kultivim të bimëve narkotike”. Shtetasi L. D., iu dorëzua DVP Shkodër për veprime të mëtejshme.
