Zhvillimet dhe përplasjet intensive në Partinë Demokratike, e kanë kthyer situatën në selinë blu në një telenovelë me shumë seri. Teksa sot në mesditë Enkelejd Alibeaj ka thirrur grupin parlamentar në një mbledhje me fokus çështjen e Presidentit të ri të Republikës, dy reagime kanë ardhur nga Rithemelimi.
Deputeti Tritan Shehu iu bëri thirrje kolegëve të tij të mos shkojnë në këtë mbledhje dhe të mos bëhen shtojcë e Ramës. Ndërkohë që PD njofton zyrtarisht se në orën 11:00 do të këtë deklarate në seli nga deputeti Oerd Bylykbashi.
Kjo situatë erdhi pasi Alibeaj ra dakord ditën e djeshme me Taulant Ballën për kushtet dhe kriteret për zgjedhjen e Presidentit të ri të Republikës. Kjo do të thotë se në tre raundet e para, ekskluzivitetin për të propozuar kandidatë do ta ketë vetëm opozita dhe më pas në të katërtin e të pestin mazhoranca mund të shohë nëse do që të bëjë propozime apo do të votohet për kandidatin demokrat.
Kjo marrëveshje mes tyre solli reagimin e menjëhershëm të Rithemelimit duke thënë se Alibeaj po përdoret nga Rama dhe se ai nuk është i deleguar nga partia për të bërë negociata, ndërsa sot priten zhvillime të reja.
Discussion about this post