Vijon ende tmerri në alpet e Valbonës, ku tre turistë zviceranë janë rrëzuar ditën e sotme duke ecur mes Thethit dhe Valbonës dhe njëri ndër ta ka humbur jetën. Sipas informacioneve, trupi i të vdekurit nuk është nxjerr ende nga vendi ku ka përfunduar në malet e Thethit. Deri më tani raportohet se helikopteri që ka shkuar në zonë nuk ka mundur që të nxjerrë dot viktimën nga vendi ku ka rënë.
Ndaj është kërkuar ndihmë nga alpinistët e Kosovës, të cilët janë nisur me urgjencë në vendin e ngjarjes. Nga sa është bërë me dije deri më tani, turisti që ka humbur jetën rrëshqiti në akull dhe përfundoi në humnerë, ndërsa gjatë rënies është përplasur me kokë në një pemë duke gjetur vdekjen.
Discussion about this post