Biznesmeni që mori të gjitha fitimet e tenderit për rehabilitimin kanalit ujitës, Ibrahim Lami ka ndërhyrë që vajza e kryebashkiakut të shkarkuar të Lushnjes, Fatos Tushe, i cili është vënë në pranga gjithashtu, të merrte provimin për mjekësi.
Gijotina.com ka mësuar nga përgjimet e zbardhura nga SPAK se Lami i ka thënë Tushes se do të telefonojë pedagogun e vajzës së kryebashkiakut dhe do t’i thoshte ta ‘maronte atëpunë’ që ‘kafen ta merrete pastaj’.
Biseda mes Tushes dhe Lamit:
Fatos Tushe: Si u gdhive, ça po bën
Ibrahim Lami: Hë si u gdhive ti, ça bën
Fatos Tushe: Unë nuk erdha dot se fola dhe me atë dhe e lashë javës tjetër, por unë nesër do jemë në Tiranë se ka goca provimin dhe do jemë atje, se më morën që në mjes këta nga raportimet, për këtë tërmetin se u ndje shumë këtu, dola t’u pi cigare
Ibrahim Lami: E ngjova, e ngjova, në Lushnje ishte ajo
Fatos Tushe: Ti ça bën
Ibrahim Lami: Hic o hoc ja piva një kafe me B…dhe tha bëjeni mbledhjen vetë se do flasë dhe me Fatosin
Fatos Tushe: E mirë të jetë mirë, a vajti në parlament
Ibrahim Lajmi: Unë do i them bëje dhe kafen do ta jap pastaj
Ibrahim Lami, është administrator i kompanisë Loti shpk, i dyshuar për kryerjen e veprave penale të “Falsifikim i dokumenteve” kryer në bashkëpunim të parashikuar nga 186 dhe 25 të Kodit Penal. Lami dhe biznesmeni tjetër Bujar Murati janë 2 biznesmenët e arrestuar së bashku me kryebashkiakun e Lushnjes Fatos Tushe dhe 8 zyrtarë të tjerë të bashkisë pasi janë të përfshirë në një tender abuziv të ditëve të fundit prej 24 mln lekët për rehabilitimin e kanalit ujitës.
