Vijon zjarri në Dhërmi, digjen sipërfaqe të tëra me bimësi

Zjarri ka pushtuar Dhërmiun. Për orë me radhë, vatrat e zjarrit vijojnë të jenë aktivizuara. Flakët po përpijnë sipërfaqe të mëdha me bimësi e pemë.

Zjarri është aktivizuar në  zonën e quajtur Gjilek dhe po përhapet më tej në Dhërmi. Ende nuk dihen shkaqet e rënies së zjarrit.

Vatra e zjarrit,  është e kufizuar me një përrua, teksa edhe era bregdetare fryn në drejtim të ndryshëm të saj, duke mos e lejuar të avancohet.

Është një zjarr në terren të thepisur i cili mund të shuhet vetëm nga ajri. Pas raportimeve qytetare kanë shkuar në terren ekipet e emergjencës civile të cilët kanë konstatuar një fakt të tillë.

Për zjarrin në fjalë deri më tani për shkak të terrenit nuk ka pasur ndërhyrje, teksa ndërhyrja pritet ditën e nesërme duke parë edhe ecurinë e tij. Gjithashtu raportohet se banesa nuk ka aty pranë.